پشتو لنډئې

جنګ

جنت دې هغه خقلو ځائ دې
څوک چې د عشق په تېغ شهيد ګور ته ورځينه

د انقلاب سيلاب چې راشي
د اقتدار بالا خانې را غورځوينه

له تورې بوړې اواز راغے
چاوې غليم دے په مورچل يرغل کوينه

ځوانانو وتړلې ملاوې
دتورې بوړې خواته وشول ګواښونه

زلمونعرې کړې هله زر شئ
چې توره بوړه کښې دښمن راغلے دينه

ددښمنانوزبون مات شو
په توره بوړه دبرى کيږى غږونه

که د اسلام په نوم شهيد شوې
په تار د زلفو به کفن درله ګنډمه

په تورو ټوک ټوک شې مړ مه شې
چه په هردنه دې ګنډمه خوله در کومه

جانان په جنګ کښۍ توره وکړه
ما ته همځولي په تندې سلام کوينه

په خوا له به جنګ در سره وکړم
ده سترګو لاندې به زاري ترته کومه

جانان په جنګ کښۍ ماتې اوخوړو
په بې ګانې ورکړې خوله باندې پشيمانه يم

که ته د اسلام په نوم شهيد شوې
په تار د خپل زلفو به کفن درله ګنډمه