عبدل لطيف منت بار

د ژوندون توازن

کۀ د چا ګټه پنځۀ او مصرف شل وى
دهغه سړى په کور دغم غوبل وى
چې حساب کتاب ئې دواړه وى هير کړى
داسې کس به دنړۍ په مخ شډل وى
ضرورت چې د ژوند نۀ شى پيژندلے
په ژوندون کښې به مدام سيغه بغل وى
دتورتم لحظو کښې هم مڼې په شمار وى
خو شرط دا دے چې حساب ئې مکمل وى
کور اولس ئې چې هير کړى وى د شمير نه
دا چلند به دهر چا دخلې غزل وى
چې حساب معيار ثابت نۀ کړى وطن کښې
نو دشوار به د ازغو په سر منزل وى
توازن د ژوندون ساته "منت باره"
او کۀ نه ژوند به دې تل خاورې خزل وى