د خواجه غرېب نواز^(رح) په رباعۍ د امام عالېقام ^(ع) په شان کې مرثيه

انورشاهين خانخېل

شاه حسېن دے، بادشاه حسېن دے
دين حسېن دے، دېن پناه حسېن دے
سر يې کړو قربان خو لاس يې ورنکړ يزېد ته
بې شکه بنا د لا اله حسېن دے
دا هغه حسېن دے چې سردار دے د جنت
نن چې بې وطنه يکتنها حسېن دے
دا هغه حسېن دے چې کيشتۍ ده د نجات
ګېر چې په طوفان د کربلا حسېن دے
دا هغه حسېن چې د جنت په جامه پټ ؤ
پروت نن بې کفنه په بېديا حسېن دے
دا هغه حسېن چې ناست په مهر نبوت ؤ
لوغړی خاورو وينو کې آ دا حسېن دے؟
ولې يې امت داسې په وينو نه مړيږی؟
ځکه چې بچے د مرتضی حسېن دے
وې ښودو لباس کې د اسلام، کفر الحاد
غېږ کې لوبېدلے د زهرا حسېن دے
دين ته د نيکۀ له غرقېدو يې نجات ورکړ
دا ښکلے بچے د مصطفی حسين دے
ډوب يې کړو باطل د خپلو وينو په سېلاب
دغه حق امام زما او ستا حسېن دے
درس د کربلا لپاره ټول انسانيت دے
هيڅ محدوده نه دے د هر چا حسېن دے
نن شاهينه واړه يزيديان اسلام ته يو دی
مـــه کــړه هيڅ پــــروا چــې رهنمــا حسېن دے

اهلبېت پښتو اکېډيمی

پوسټ بکس ٣٤٦ پېښور (پښتونخوا)