اياز داؤدزې
اې سپوږمې
دا نظم اياز داؤدزې صېب په اسلام آباد کښ يوه ادبي غونډه (ادب مئينان) کښ
دوئ په خپله وئلې ده. دا يو آزاد نظم دې او دوئ په 10 ستمبر 1968 کښ ليکلې ده.
زما دخيال افاقيت بۀ څه وى
ستا دوجود رومانيت که نۀ وى
اوبيا وائى
ستاپه رڼا باندې وو روڼ خيالونه
تۀ دښکلا يوعلامت وې کنه
تۀ دشاعر دخيال جنت وې کن
ستادنامې نه مدام
هغه احساس هغه جذبې زيږيدې
چې بې نامى دې هيڅ نامه نۀ لرى
چې هيڅ وجود نۀ لرى، چې هيڅ جامه نۀ لرى
دا روڼ تندے دې لږ راښکته کړه تۀ
چې چرته لرې ډيره لرې چرته
ددې ظالم عقل نه لرې چرته
بله سپوږمۍ بله ښکلا ووينم
چې دښکلا نه بغير
ژوند يوعذاب دے کنه
