بېټ بابا
سهېل احمد بېټني
پيــــــــر فقيـــــــر ولي الله ؤ بېټ بـــــابــــــا
لوئ سړې ؤ رهنمــــــــــا و بېټ بـــــابــــــــا
يــــــــو فقير ؤ، مفکـــــــــــــر ؤ هم غوثي ؤ
بـــــــــــل بنياد د شعراء ؤ بېټ بـــــــابــــــــا
ترې قربـــان شمه غوثيان پۀ دنيا ډېر دي
خو زمونږ بېټ بـــــــابــــــا ؤ بېټ بـــــابـــــا
هر ګفتار ئې د پښتون پۀ غم کښې ژاړي
پۀ پښتو بــــــــاندې فدا ؤ بېټ بـــــــابــــــا
شپه او ورځ به ذکر فکر کښې مشغــول ؤ
ذاکرين د پـــــــاک مولا ؤ بېټ بـــــابـــــــــا
که بــــــابــــــا دې کـــــــه نيکۀ د بېټنو دې
څوک بـــــــه څۀ وائي د چا ؤ بېټ بـــــابــــا
هسې نــــــــــۀ چې سود او زيان نه ناخبر ؤ
پۀ هر څۀ پوهېدو دانــــا ؤ بېټ بـــــــابـــــــا
تورې زلفې بـــــــــه د تــــا پـــۀ ګوتو راشي
ښکليه يـــــــــاره که زمـــــا ؤ بېټ بــــابــــــا
خدايــــــه ورکـــــــــړې ورله ښکلي جنتونه
پــــــرهېزګاره د دنيـــــــــا ؤ بېټ بـــــــابــــــا
درست پښتون ورباندې فخر کړي رحمته
بــــــــا وقــــــاره شهنشـــــاه ؤ بېټ بــــابــــــا
