دهزارې دپښتنو يوياداشت

نورالبشر نويد

ورځپاڼه وحدت

خپرؤنو نېټه: 6 مئي 2004

داخط دهزارې دپښتو شاعرانو اديبانو فنکارانو دپښتوژبې ويونکو اوريدونکو يو ياداشت دے چې دپيښورټيلى وژن دجنرل منيجر په نوم ئې زۀ په خپل کالم کښې په دې وجه خپروم چې هغوى دا غږ ماته راکړے دے ددې دخپرونې بل مقصد داهم دے چې زۀ دټيلى وژن پيښور څانګې درائټر په حيث دا تائيدوم ځکه چې په هزاره کښې کوم پښتانه اوسى هغوى په ډيرو حوالو مونږسره شريک هم دى خوبيا چې په داسې اداروکښې دنمائندګۍ سوال راشى نو زمونږ څخه بيل دى او ددې ثبوت دهزارې نه دا راغلے ياداشت دے چې هغوى په ټيلى ويژن خپله نمائندګى غواړى

دهزارې دهندکو ژبې دشاعرانو نمائندګى شته اوبيا چې دفنکارانو په حواله دغې نمائندګۍ ته فکر وکړو نو په نيشنل پروګرامونو کښې هم دهندکو دغه فنکارانو د هندکو ژبې نمائندګى کوى او په نيشنل پروګرامونو کښې دهزارې دفنکارانو کمال او صلاحيت دستائيلو هم دے خوکه چرې ددوى پشان دپښتنو دهزارې فنکارانو ته هم حصه ورکړې شوه نو واقعى چې ښه بدلون پکښې راتلے شى ځکه چې يو خوبه دغه فنکاران نوى هم وى او دخلقو دپاره به هم ښه تاثر ورکړى بله دا چې دټولې هزارې دپښتنو نمائندګى به هم وکړے شى . داخبره يوازې دپى ټى وى دپاره نه ده بلکې بايد چې په ريديو ټيلى ويژن اباسين ارټس کونسل اکيډيمى ادبيات او نورو ادبى ثقافتى ادارو کښې هم ددوى نمائندګى ورکړے شى اودغه شان په عوامى اداروکښې دهرچاحق وومنلے شى دلته چې مونږ په قامى سطح خبره کوو نو دصوبائى خودمختارۍ غوښتنه کوو او دمودو مودو راسې ددغه حق په غوښتنه کښې بوخت يو خو چې په صوبائى سطح چې سرکارى کښې ورته ((علاقائى )) ټکے استعماليږى نو دلته بيا په خپله صوبه کښې دژبو دنمائندګۍ اودعلاقو دنمائندګۍاختلاف رائې نه حکومت محسوسوى اونه دمتعلقه ادارو سربراهان !!؟ مونږ چې په دغه حواله دهزارې دپښتنوحق تلفۍ ته په عوامى سرکارى اداروکښې فکر وکړو نوداخبره به تائيدووچې يوازې دهزارې يوشاعر په موسمى مشاعره کښې راغوښتل دټولې هزارې حق نه ادا کوى بلکې دغلته نور ډير شاعران ليکونکى اوفنکاران شته چې دهزارې دپښتو په نمائندګۍ دخپل حق څخه محرومه دى

په دغه ټولو ادارو کښې ټيلى ويژن داسې يوه اداره ده چرته چې دټولو ژبو ويونکو حق دهغوى د ابادۍ په تناسب اود علاقو دباصلاحيته خلقو په شمول پکاردے داخبره هغوى په تحريرى توګه داوخت ځکه کوى چې دپيښور ټيلى ويژن جنرل منيجر فرمان الله جان پښتون هم دے اودپيښورپه بانى پروډيوسرانو کښې پاتې شوے دے اوتردې ځايه رارسيدلے دے ورسره دپيښور ټيلى ويژن پروګرام منيجر شوکت على هم دغه سلسلې يو تسلسل دے دا دواړه شخصيات دکمال هنر ايډمنسټريشن او د صلاحيتونو په حواله باکماله هم دى اوغير متنازعه هم دى بيا دوى دلته دهرچا په نمائندګۍ دهرچانه زيات پوهيږى هم اوپه حق ورکولوکښې به دهزارې داياداشت محسوس هم کړى